Bethlen Miklós Friedrich Sigmund Scharffenbergnek, Nagyszeben, 1686. június 9.

Adatlap

Nagyszeben, 1686. junius 9.

Excellentissime Domine Comes, Domine mihi colendissime!

Ex Celsissimi Principis Domini mei clementissimi mandato significandum habeo, vestrae Excellentiae, me a data [sic!] praesentis intra quinque dies cum aliis duobus collegis a Celsissimo Domino et Principe meo et statibus regni ad vestram Excellentiam ablegatis in castris adfuturum. Dabit ergo vestra Excellentia mihi notitiam castrametationis, neque ilia contra suam parolam cis Bisztricium promoveat, potius Desinum versus secundo Samosio descendat, militiam utriusque nationis comeatu a nobis data abundantem contineat in castris. Spero jam tandem optatum rerum caeptarum progressum et finem etiam. His praemissis vestram Excellentiam divinae protectioni commendo et maneo. Datum Cibinii die 9. Junii Anno 1686.

Vestrae Excellentiae obligatissimus servus Nicolaus Bethlen