Bethlen Miklós I. József királynak, Bethlenszentmiklós, 1693. július 23.

Adatlap

Sacra Regia Majestas Domine Domine mihi Clementissime.

Quamvis personae meae tenuitas facile me absterreat, ne Majestatem vestram praesertim inter tot et tam graves bellorum Curas interpellem, nihilominus animat me Regiae Vestrae Majestatis celebratae ubique Aequanimitatis et Magnanimitatis fama, et cogit meum, quo ex Sacratissimae Caesareae Regiaeque Majestatis Domini Domini mei Clementissimi benignitate fungor Supremi in Máramaros Comitis officium, ut humillimis his lineis Vestram Majestatem cum profundissimo respectu requiram, ut dignetur Vestra Majestas Dominis officialibus Majoribus ac minoribus ut et toti Nobilitati ac Plebi Polonicae in vicinia Comitatus Máramaros manentis benignissime demandare, ut abstineant a tot arrestationibus et damnificationibus miserorum incolarum Máramaros, ne privato ausu quisque sibi Actor et Judex fiat, imo restituantur ablata, et si quis qvid contra Sacratissimae Caesareae Regiaeque Maiestatis subditos in Máramaros ad praetendendum habet, agat Jure, cujus administrationem et ego et mei Vices gerentes exactissime ad instantiam querulantium inpendemus, ne cogamur etiam nos Sacratissimam Caesaream Regiamque Majestatem superinde interpellare, imo possimus inconvenientias Repressaliorum occassione saepe fieri solitas praecavere et inter limitaneos bonam amicitiam ac correspondentiam servare, Deus pro aeqvitate Vestrae Majestati benedicet, et ego ac Comitatus mihi commissus humillimis obsequiis benignitatem Vestrae Majestatis recolemus. Eandem Divinae tutelae commendantes.

Datum in Bethlenszentmiklós in Transylvania. 23. July. 1693.

Sacratissimae Regiae M aiestatis Vestrae

humillimus Servus

Nicolaus de Bethlen