Bethlen Miklós Lederer Mártonnak, Bethlenszentmiklós, 1690. március 28.

Adatlap

Generose Domine mihi observandissime.

6. martii Eperjesino datas Vestrae Dominationis accepi. et gratias ago pro bene coepta correspondentia, et pro datis 110. talleris Domino Kis Totfalusio, quam quidem summam, imo etiam amplius usque ad aliam meam Syngrapham Cassoviae datam si Vestra Dominatio dabit eidem Domino Totfalusio, (.prouti etiam rogo ut in Casu necessitatis det.) a me rehabebit ubi et quando voluerit statim et lbi. De Carpento et Commercio expecto Informationem promissam. Exhibitor praesentium Dominus Paulus Okolicsányi est nuncius Celsissimi Principis ad Regem Poloniae et Inclytam Cameram Scepusiensem in negotis Domini Tótfalusi, sit ergo quaeso Vestrae Dominationi recommendatus. Excellentissimus Dominus Teleki salutat Vestram Dominationem, et per me significat, quad acceperit unam epistolam Eperjesini 16. February datam sed sine subscriptione nominis, quam ego tuli, et legi, et agnovi a Vestra Dominatione esse missam, et errorem excusavi, nulla est appraehensio ex parte suae Excellentiae, et promittit omnem amicitiam ac benevolentiam Vestrae Dominationi Generosae. Quam etiam ego divinae protectioni commendo.

Datum in Bethlenszentmiklós. 28. március. Anno 1690. Generosae Dominationis Vestrae

Servitor paratissimus Nicolaus de Bethlen

Rogo etiam confidenter constituat mihi stabilem correspondentiam de Novellis Viennae Italica lingva inprimi solitis, ut mihi mittantur per ordinarias pastas singulis septimanis, et tantum ita dirigantur. Solitus meus titulus scribatur, sive latine sive Germanice. et subscribatur. Torda. Panadi. Bethlenszentmiklós. Ego solvam omnes expensas, et quidem cum gratiarum actione. Vestrae Domino nationi Generosae.