Bethlen Miklós Lederer Mártonnak, Szatmár, 1690. február 26.
Adatlap
Szatmár, 1690. februar 26.
Generose Domine mihi observandissime.
Inclusas ad Dominum Beckmannum singulariter recommendo, habeo enim studiosum quendam Alumnum Francofurti ad Oderam in Academia studentem Josephum Felfalusi vocatum, ad quern scripsi et ipsi Domino Beckmanno inclusi, rogo itaque Vestram Dominationem Generosam transmittat quam commodissime, et scribat etiam Domino Beckmanno, quomodo ille mihi per Vestram Dominationem respondere possit, et quo? ac sub quo titulo? literas suas dirigere debeat. Interim sive illud responsum, sive aliam quamcunque epistolam ad me Vestra Dominatio per Ordinarias postas scribere vult, ita dirigere debet. Generoso Prudenti ac Circumspecto Domino Johanni Backosch Senatori Liberae Regiaeque Civitatis Cibiniensis. Domino Cibinium etc. et sub tali cooperta ad me sonantes literae mitti poterunt. Praesertim si Titulus germanice scribatur tam ad me, quam ad Dominum Backosh. et titulo subscribatur. Hermanstadt.
lta etiam poterit ad me literas suas mittere. Scribat mihi germanice tam intus, quam Titulum exterius et meo Titulo subscribat. Dem Herrn Postbeforderer zu Torda recommendirt zu bestellen zu Torda. et credo melius hac via literas processuras. Rogo etiam de Scheza ilia Brandenburgica cujus mihi mentionem fecerat mihi det notitiam, quantum est illius pretium? Estne tecta tota, aut tantum posterior pars? quia ego talem Schezam velem habere, quae sit integre tecta, et si talis esset emerem libenter, praesertim si Dominatio Vestra Domino Tótfalusi ostenderet, ut ille mihi plenam informationem ferret, aut per postam scriberet potius, quia ego credo Dominum Tótfalusi adhuc sero ad nos venturum De Commercio et omnibus necessariis expecto informationem a Vestra Dominatione. Interim Deo Commendo et maneo
Vestrae Dominationis Generosae
Amicus et servitor paratissimus
Szatmár. 26. February Anno 1690.
Ich hatte gem deutsch geschrieben, es mangelt mir aber vielmahl, wo am grossesten geli.ingen solte; der Herr kann aber mir seinem belieben nach antworten.