Bethlen Miklós Lederer Mártonnak, Torda, 1690. augusztus 13.
Adatlap
Torda, 1690. augusztus 13.
Generose Domine mihi observandissime. etc.
Vestrae Dominationis aliquot literas, et quidem ultimo solam Coopertam cum Novellis Italicis Viennae 13. julius inpressis accepi, ego vero ultimas ad Vestram Dominationem 23. praeteriti julius scripsi de 100. Aureis et 100. florenis Domino Brosek datis, et quod ex ilia pecunia non debeant centum et decem talleri Camerae refundi, si quidem Dominus Johannes Rozman aliunde super inde Inclytam Cameram ex mea dispositione contentabit. Nunc vero Vestram Dominationem rogo ut centum illos aureos et centum illos florenos tradat praesentium exhibitori famulo Generosi Domini Adami Bantsi tanquam meo mandatario ad epistolam dicti Domini Adami Bantsi, et Quietantiam ejusdem famuli Quod vero Novellas attinet ter tantum accepi, et paratus sum expensas refundere, modo sciam quantum requiritur per annum, sed velem ut accuratius singulis septimanis mitterentur. His praemissis Vestram Dominationem Deo commendo et maneo ejusdem Generosae Dominationis Vestrae.
Servitor paratissimus
Torda 13. augusztus 1690
lterum scripsi Domino Brosek de 100 florenis, si adhuc non reddidit, nos valde miramur quo ille bonus Dominus devenit, iam 5tam ipsi scribo sine omni responsa