Bethlen Miklós a szepesi kamarának, S. l. (Bethlenszentmiklós?), 1690. július 8.
Adatlap
S. l. [Bethlenszentmiklós?], 1690. julius 8.
Illustrissimi Spectabiles Magnifici Per Illustres ac Generosi Domini. Domini mihi Colendissimi
Responsarias Vestrarum praetitulatarum Dominationum literas 21. Juny Cassoviae datas cum debito respectu et gratiarum actione accepi, et pro omnibus favoribus iam perceptis summopere me obligatum agnosco. Interim cogor etiam nunc praetitulatas Dominationes Vestras confidenter requirere de negotio sequenti, cujus quidem dum Cassoviae essem etiam mentionem feceram Per Illustri ac Generoso Domino Ladislao de Szent Ivan. Quomodo nimirum Generosus quondam Dominus Petrus Marin sive per emptionem, sive ex gratia speciali Sacratissimae Suae Majestatis Domini Domini nostri Clementissimi appraehenderit bona quaedam in Comitatu Bereghiensi in pagis Surany Papi Feyirtse Csaroda etc. existentia, et per notam infidelitatis Francisci Bonis ad Fiscum Regium devoluta, Sed quae (tamen) bona familiae Perenyianae [?] vel Pernyeszianae familiae avitica et ab ipso Francisco Bonis jure tantum inpignoratitis possessa fuerant, et <...> jus redemptionis de jure regni inter alios quam proxime Juliam Redei meam Uxorem concernit, neque enim (.prouti hoc omnibus notum est.) ideo veri haeredes bonum et perpetuum quod in talibus bonis habent Jus, amittunt quod temporarius et jure pignoris tantum gaudens Dominus in notam infidelitatis incurrat, cum nihil amplius a tali sententiato Fiscus obtineat, nisi temporarium et Inpignoratitum quod ille habuit Jus, neque enim plus quam quod habet, quis amittere potest, unde consequenter Regius etiam Fiscus nihil nisi lnpignoratitium illud Jus in Dominum marin conferre potuit Cum Itaque haec per leges evidentissima sint, singulari cum respectu et Confidentia Vestras Illustres. etc. Dominationes rogo, faciant mihi hanc Justitiam simul et gratiam, vdint mihi extradere in scripto, Quanti nempe ipse Dominus Petrus marin illa bona possideat ab Inclyta Camera, quamvis scio ego me non plus ipsius posteris debere, quam quanti Franciscus Bonis in pignore habebat. Praeterea dignentur etiam ipsum Dominum Stephanum marin hodiernum illorum bonorum (Curate) et Petri haeredum Curatorem amicabiliter per literas meo Agenti tradendas monere, Cum sum in longinqua Regione habitans, et ubi etiam quotidianum Suae Majestatis servitium occupat, nolit me in Causa iustissima litigiosis tergiversationibus fatigare, si quidem illarum etiarn finis nihil aliud erit nisi ipsiusmet iactura et pecuniarum secundum leges amissio. Hane vero Illustrissimarum et Vestrarum Domination um erga me et meos Aequanimitatem ac benevolentiam cum summa gratiarum actione et ornnimodo servitiorum genere redhostire studebo. Denique praetitulatas vestras Dominationes divinae protectioni commendo et maneo. Datum 8 Julius Anno 1690.